Forumi Kosovar i Aftësisë së Kufizuar shpallë Termat e Referencës për përzgjedhje të:

Ekspert për hartimin e një dokumenti mbi ndikimin e punës së organizatës në komunitetin e aftësisë së kufizuar dhe sfidat me të cilat është përballiur.

1. Informata për Forumin Kosovar të Aftësisë së Kufizuar

Forumi Kosovar i Aftësisë së Kufizuar (FKAK) është organizatë ombrellë dhe mekanizëm gjithëpërfshirës i organizatave të personave me aftësi të kufizuara në Kosovë, i cili është themeluar me asistencën e Zyrës së Komisionit Evropian në Kosovë. Forumi përfaqëson dhe mbron të drejtat e personave me aftësi të kufizuara në Kosovë, në mënyrë të unifikuar dhe pa asnjë dallim.

Në vazhdim të implementimit të projektit: “Asgjë për ne pa zërin tonë” në partneritet me Zyrën e Save the Children Kosova/o, Forumi Kosovar i Aftësisë së Kufizuar (FKAK) është duke kërkuar:

Ekspert për hartimin e një dokumenti mbi ndikimin e punës së organizatës në komunitetin e aftësisë së kufizuar dhe sfidat me të cilat është përballiur.

3. Kualifikimet dhe Përgjegjësitë:

1. Përgatitje universitare në Shkenca Sociale apo në fusha të ngjashme, relevante për detyrat që duhet kryer në bazë të Termave të Referencës
2. Përvojë në fushën e aftësisë së kufizuar dhe në hartim të dokumenteve të rëndësishme për aftësinë e kufizuar
3. Përvojë në fushën e hulumtimeve
4. Përvojë në formulimin e pyetjeve për fokus grupe dhe intervistimin e tyre
5. Aftësi të larta analitike dhe për të hartuar raporte koncize dhe lehtësisht të aplikueshme
6. Kreativ, i/e hapur për konsultime dhe sugjerime.

4. Koha e angazhimit

Eksperti do të angazhohet për një periudhë 8 ditore me anë të një kontrate për shërbim nga FKAK. Në kontratë do të përcaktohen në mënyrë specifike pikat të cilat nuk janë të përfshira në këtë dokument.

5. Procedura

1. Lloji i procedurës: E hapur;
2. Objekti i prokurimit: Konsulencë;
3. Oferta duhet të jetë në Euro
4. Afati kohor për dorëzimin e ofertave/aplikacioneve deri me datë: 18.04.2025

6. Ofertat duhet të dorëzohen në emailin prokurimi@kdf-ks.org, me dokumentacionin si në vijim:

1. CV dhe Letër Motivuese

2. Dy referenca

3. Një hulumtim dhe analizë e të gjeturave në autorësi të juajën, dhe

4. Propozimi financiar

5. Deklaratë nën betim se të dhënat e dorëzuara nga ai ajo janë të vërteta.

7. Poentimi do të bëhet në këtë formë:

Dokumenti në autorësi të juajën 30

Propozimi financiar 30 pikë

Vlerësimi i punës paraprake e paraqitur në CV-i do të vlerësohet me 20 pikë

Edukimi do të vlerësohet me 20 pikë.

8. Mënyra e Pagesës:

Pagesa do të bëhet në bazë të kushteve të përcaktuara në kontratën e shërbimit që do të përgatitet nga Forumi Kosovar i Aftësisë së Kufizuar e do nënshkruhet nga i/e angazhuari/a. Pagesa do të realizohet përmes transaksionit bankar në valutën Euro. Pagesa do të bëhet pas përfundimit me sukses të angazhimit.