Thirrje e Hapur për Aplikime:

Mbështetje për Organizatat e Shoqërisë Civile përmes Fondit të Akademisë nga Ferma në Tryezë

Projekti Farm to Fork Academy for Green Western Balkans mbështet aktorët e shoqërisë civile në Ballkanin Perëndimor dhe Kroaci për të përparuar tranzicionin e gjelbër dhe të drejtë, në përputhje me Marrëveshjen e Gjelbër të BE-së dhe Strategjinë Farm to Fork (F2F).

Ky fond synon të forcojë rolin e shoqërisë civile në procesin e integrimit në BE, veçanërisht në bujqësinë e qëndrueshme dhe zhvillimin rural.

Objektivat:

Qëllimi i përgjithshëm: Forcimi i kontributit të shoqërisë civile në procesin e integrimit në BE, me fokus të veçantë në sistemet e qëndrueshme ushqimore dhe ndryshimet klimatike.
Qëllimi specifik: Promovimi i zgjidhjeve inovative, të gjelbra dhe gjithëpërfshirëse për jetesën e qëndrueshme, duke adresuar ndryshimet klimatike dhe humbjen e biodiversitetit.

Temat e Propozimeve:

• Praktika të qëndrueshme në bujqësi dhe zhvillim rural
• Mbrojtja e mjedisit dhe ruajtja e biodiversitetit
• Zbutja dhe përshtatja ndaj ndryshimeve klimatike

Kriteret e Përshtatshmërisë:

• Fondi F2F Academy Linja 1: Grupet Lokale të Veprimit (GLV) të regjistruara si OJQ me të paktën gjashtë muaj përvojë.
• Fondi F2F Academy Linja 2: OJQ lokale dhe organizata të bazuara në anëtarësi me të paktën dy vite përvojë.

Detajet e Grantit:

• Shuma e Grantit: 3,000 – 5,000 EUR (100% e kostove të pranueshme mbulohet)
• Kohëzgjatja e Projektit: Minimumi 6 muaj, maksimumi 9 muaj.

Vendi i Zbatimit:

Shqipëri, Bosnje dhe Hercegovinë, Kosovë, Mali i Zi, Maqedonia e Veriut, Serbi

Afati i Aplikimit: Aplikimet duhet të dorëzohen deri më 25 Prill 2025, ora 23:59, në F2FAcademyFund@anrd.al .

Udhezuesi me te gjitha Informatat e rendesishme rreth Thirrjes, Kritereve si dhe Dokumentet e Aplikimit per aplikantet nga Kosova, mund te gjinden dhe shkarkohen ne linkun:

Mbështetje për Organizatat e Shoqërisë Civile – Rrjeti i Organizatave për Zhvillim Rural të Kosovës