Datë: Korrik 17, 2025

Titulli i Pozitës: Menaxher/e Projekti (Portofol Shumë-Projektësh)

Vendndodhja: Prishtinë, Kosovë (me udhëtime të herëpashershme në Shqipëri dhe vende të BE-së)

Lloji i Kontratës: Me kohë të plotë

Kohëzgjatja: 1 vit me mundësi vazhdimi

Afati i aplikimit: 27 korrik 2025

Data e Fillimit: Gusht 2025

1. FONDI DHE QËLLIMI I ANGAZHIMIT

GERMIN fuqizon dhe bashkon shqiptarët anembanë botës duke përdorur burimet tona të përbashkëta për të mbështetur demokratizimin dhe zhvillimin e vendeve tona të origjinës. Ne synojmë të shfrytëzojmë inovacionin, teknologjinë, rrjetet shoqërore dhe trashëgiminë kulturore shqiptare për të nxitur dhe sjellë ndryshime domethënëse brenda dhe jashtë vendit. Fjala ‘Germin’ vjen nga latinishtja dhe nënkupton ‘të rritesh, të përparosh’. Duke u mbështetur në këtë kuptim, organizata jonë synon të ndërtojë një themel të fortë mbi të cilin shqiptarët do të mund të krijojnë strukturat e duhura për të mirën e vendeve tona. Misioni ynë është të shërbejmë si një urë lidhëse, e gjallë dhe dinamike, që lidh shqiptarët në të gjithë botën për të nxitur lidershipin dhe inovacionin, për të forcuar angazhimin dhe sipërmarrjen, si dhe për të lehtësuar dhe ndërtuar lidhje strategjike. Vizioni ynë është të krijojmë një Diasporë Shqiptare të lidhur globalisht dhe të fuqizuar, që kontribuon në mënyrë aktive në zhvillimin shoqëror, ekonomik dhe demokratik të vendeve të origjinës.

GERMIN zbaton disa programe me fokus në angazhimin e diasporës, transferimin e dijes, sipërmarrjen, pjesëmarrjen demokratike dhe fuqizimin e të rinjve. Një nga projektet kryesore që aktualisht është në zbatim është **Diaspora4Innovation**, në bashkëpunim me programin **EU4Innovation** në Shqipëri. Ky projekt angazhon profesionistë dhe akademikë shqiptarë nga diaspora për të forcuar ekosistemin e inovacionit dhe sipërmarrjes në Shqipëri, përmes bashkë-mësimdhënies në arsimin e lartë, mentorimit të startup-eve dhe promovimit global të skenës vendore të inovacionit.

Ky rol do të mbështesë kryesisht zbatimin e projektit Diaspora4Innovation. Kandidati i përzgjedhur do të marrë pjesë gjithashtu në iniciativa të tjera aktuale dhe të ardhshme në GERMIN që përputhen me misionin tonë më të gjerë.

Po kërkojmë një profesionist të përkushtuar dhe energjik, i cili e sheh këtë si një angazhim afatgjatë dhe ka pasion për të kontribuar në punën e zhvillimit të fokusuar te diaspora.

2. PËRGJEGJËSITË KRYESORE

Menaxheri i Projektit pritet të kryejë detyrat e mëposhtme:

A. Menaxhimi dhe Planifikimi i Projektit

• Harton plane të detajuara projekti, afate kohore dhe buxhete për iniciativa të ndryshme.
• Monitoron zbatimin, sigurohet për dorëzimin në kohë të rezultateve dhe përshtat planet sipas ndryshimeve që ndodhin.
• Identifikon dhe menaxhon rreziqet e projektit.
• Planifikon, organizon dhe realizon punëtori, konferenca, webinarë dhe vizita në terren.
• Koordinon logjistikën: vendin, agjendën, materialet, udhëtimet, shërbimin ushqimor, akomodimin, mbështetjen teknike dhe regjistrimin e pjesëmarrësve.
• Siguron që materiali i brendit, komunikimi dhe dukshmëria në media të jenë në përputhje me udhëzimet e GERMIN dhe donatorëve.
• Mbledh reagimet nga pjesëmarrësit dhe përgatit përmbledhje pas ngjarjeve.

B. Angazhimi dhe Komunikimi me Palët e Interesuara

• Mban komunikim të rregullt me palët e interesuara të projektit, përfshirë donatorët, aktorët e diasporës, institucionet qeveritare dhe organizatat e shoqërisë civile.
• Përgatit dhe prezanton përditësime, raporte dhe prezantime të projektit.
• Organizon takime koordinimi, mban procesverbalet dhe sigurohet për ndjekjen e pikave të veprimit.

C. Programi dhe Platforma EDP (Angazhimi i Profesionistëve të Diasporës)

• Koordinoni zbatimin e aktiviteteve të programit EDP në bashkëpunim me ekipin më të gjerë të GERMIN.
• Komunikon rregullisht me profesionistët e diasporës, mban angazhimin dhe siguron ndjekje në kohë për mundësitë, rolet dhe detyrat.
• Mbikëqyr thirrjet e hapura për profesionistët e diasporës brenda projektit, duke shqyrtuar aplikimet, përzgjedhur kandidatët në koordinim me drejtuesit e programit dhe siguruar përfshirjen e tyre në kohë.
• Menaxhon dhe përditëson rregullisht platformën digjitale EDP, duke siguruar saktësinë e të dhënave, publikimin e mundësive të reja dhe përvojën e lehtë për përdoruesit, si për profesionistët e diasporës ashtu edhe për institucionet lokale.
• Mbledh reagime nga palët e përfshira në angazhimet e EDP dhe sugjeron përmirësime për platformën dhe qasjen e programit.
• Koordinohet me institucionet pritëse ose përfituesit lokalë për të siguruar përshtatshmërinë midis ekspertizës së diasporës dhe nevojave institucionale.

D. Prokurimi dhe Detyrat Administrative

• Përgatite kërkesat për ofertë dhe specifikimet teknike.
• Mbikëqyr proceset e prokurimit në përputhje me rregullat e GERMIN dhe donatorëve.
• Mbështetni kontraktimin e ofruesve të shërbimeve dhe furnitorëve.
• Siguron dokumentacion të rregullt, arkivim dhe respektim të procedurave.

E. Monitorimi, Vlerësimi dhe Raportimi

• Ndjek realizimin e rezultateve të projektit sipas afateve dhe indikatorëve.
• Harton raporte narrative dhe kontribuon në raportet financiare në bashkëpunim me ekipin e financave.
• Dokumenton mësimet e nxjerra dhe mbështe ndarjen e njohurive brenda organizatës.

3. KUALIFIKIMET E NEVOJSHME

• Diplomë bachelor në Shkencat Sociale ose në një fushë të ngjashme; diploma master konsiderohet avantazh.
• Të paktën 3 vite përvojë profesionale në menaxhimin e projekteve të financuara nga donatorë ose të shoqërisë civile.
• Përvojë e dëshmuar në planifikimin dhe realizimin e ngjarjeve me shumë palë të interesuara.
• Aftësi e provuar në menaxhimin e afateve kohore të projektit, buxheteve dhe raportimit.
• Aftësi të forta organizative dhe në menaxhimin e disa detyrave njëkohësisht.
• Njohuri të avancuara në Google Workspace, Microsoft Office dhe mjete menaxhimi projektesh (p.sh., Trello).
• Komoditet në punë në një mjedis me ritëm të shpejtë, bashkëpunues dhe me fokus në rezultate.
• Comfortable working in a fast-paced, collaborative, and impact-oriented environment.
• Përvoja në punën me aktorë të diasporës përbën avantazh.

RAPORTIMI DHE MBIKËQYRJA

Menaxheri i Projektit do të raportojë drejtpërdrejt tek Drejtorët Ekzekutivë të GERMIN dhe do të bashkëpunojë ngushtë me ekipet e Financave dhe Komunikimit.

5. PROCESI I APLIKIMIT

Kandidatët e interesuar ftohen të dorëzojnë një aplikim të plotë, duke përfshirë të gjitha dokumentet e nevojshme, në adresën vacancies@germin.org deri më 27 korrik 2025, me subjekt “Project Manager.”

• CV e përditësuar
• Letër motivimi që përshkruan përvojën relevante dhe interesin për pozicionin
• Informacion kontakti për dy (2) referenca profesionale

Vetëm kandidatët e përzgjedhur do të kontaktohen. GERMIN është punëdhënës që ofron mundësi të barabarta. Ne inkurajojmë aplikime nga individë me prejardhje të ndryshme, veçanërisht ata me përvojë personale ose profesionale lidhur me diasporën.