Medical Group, një nga liderët në tregun farmaceutik dhe mjekësor në Kosovë, me një rrjet partnerësh ndërkombëtarë të fuqishëm, ka hapur konkurs për pozitën :

ECOLAB BRAND MENAXHER

Ecolab është kompani Amerikane liderë në produktet dhe shërbimet mbi sterilizimin dhe dezinfektimin në fushën e mjekësisë, nutricionit, gastronomisë dhe fushave tjera industriale.

Kompania Medical Group është përfaqësuese ekskluzive për kompaninë Ecolab dhe ka hapur vend të lirë pune për Brand Menaxher për produktet Ecolab në fushën e shëndetësisë.

Përgjegjësitë kryesore:

• Menaxhimi dhe zhvillimi i brendit Ecolab në tregun e Kosovës.
• Krijimi i strukturës së promovimit dhe pozicionimit të brendit.
• Hartimi i strategjisë së shitjes dhe marketingut.
• Vizita te klientët, identifikimi i nevojave dhe ofrimi i zgjidhjeve të personalizuara.
• Edukimi i klientëve dhe institucioneve për produktet dhe përdorimin e tyre.
• Monitorimi ditor i shitjeve dhe raportimi javor.
  

Kualifikimet:

• Diplomë bachelor në Shkenca Mjekësore, Kimi ose Biologji.
• Master apo MBA – do jetë një avantazh.
• Njohuri mbi dezinfektimin dhe sterilizimin në institucione shëndetësore.
• Eksperiencë në marketing dhe promovim të produkteve mjekësore.
• Aftësi të forta komunikuese dhe punë në ekip.
• Njohuri të avancuara të gjuhës angleze (me shkrim dhe të folur).
• Patentë shoferi kategoria B.
• Përdorim i mirë i programeve kompjuterike.
  

Çfarë ofrojmë:

• Pako konkurruese financiare, mundësi të zhvillimit profesional dhe avancimit në karrierë, ambient pune të mirë, punë ekipore dhe trajnime mbi procedurat e dezinfektimit dhe sterilizimit tek partneri ynë Ecolab.
  

Nëse keni interesim per pozitën e shpallur:

Na dërgoni CV-në dhe letrën motivuese në: hr@medicalgroup-ks.com
(Subjekti i emailit: Aplikim për pozitën ECOLAB BRAND MENAXHER)

Konkursi mbetet i hapur deri më: 08.06.2025. Për intervistë do të kontaktohen vetëm kandidatët që përzgjidhen në bazë të vlerësimit të CV-së, referencave, letrës motivuese, edukimit dhe eksperiencës.